Kom jy saam?

Kom jy saam?

yolandi-profile

Gaan stap die Camino de Santiago – jy sal nooit weer dieselfde wees nie!

Die Camino het die vermoë om jou lewe ingrypend te verander en te verryk. Niemand kom ooit weer dieselfde van Santiago af terug nie. Miskien is dit dalk omdat jy gaan reis met ’n doel, of dalk is dit die duisend jaar se gebede wat al deur meer as ’n miljoen Pelgrims op hierdie besondere roete gebid is. Hoe dit ook al sy, die Camino maak gesond, nuut en vry!

Die ‘Camino de Santiago’ of ‘Weg van St Jakobus’ is die Pelgrimstog wat uiteindelik eindig by die katedraal van Santiago de Compostela in Galicia, Noord-Wes Spanje. Legende het dit dat hierdie Jakobus se sendingsroete was, en dat hy uiteindelik in Santiago, die eindpunt van die Camino begrawe is.

Mense stap die Camino vir verskillende redes. Sommige stap om ’n era of gebeurtenis af te sluit. Ander wil ’n nuwe begin inhuldig. Party doen dit suiwer vir die avontuur daarvan! Maar een ding is seker, niemand gaan huis toe sonder ’n paar lewensveranderende stories nie!

So kom stap saam! Stap alleen, of saam met iemand, of as deel van een van ons groepe. Stap teen jou eie tempo en met jou eie gedagtes, of stap kuier-kuier saam met ’n mede-pelgrim. Elke oggend lê ’n nuwe roete met ’n paar nuwe uitdagings voor en aan die einde van elke dag se stap kan jy uitspan by ‘n uitsoek hotelletjie, die dag se stories met ’n mede pelgrim deel en weet daar is ‘n skoon bed wat op jou wag!

Jy kan enige datum kies of saam op een van ons begeleide toere gaan. Ons bespreek vooraf jou akkommodasie (ontbyt ingesluit) en reël dat jou bagasie daagliks vervoer word. Daarmee saam gee ons vir jou ’n volledige dag-tot-dag stap handleiding met roetekaarte en stap informasie. Jy volg net die pyle en skulpies tot in Santiago. Kom beleef hierdie avontuur saam met ons!

Laai ons bekendstellingspamflet af vir meer inligting:

Bekendstellingspamflet (2MB)

"Pelgrimsreise word 3 keer beleef: Wanneer jy daaroor droom, wanneer jy dit beleef en wanneer jy terugkom en onthou..."

Wat maak ons anders?

Hotelle
Ons bespreek in 2-en 3-ster hotelle. Tweepersoons- of driepersoonskamers met privaat badkamers.

Wat om te Pak Lys
Ons gee jou 'n "Wat om te pak" lys met wenke en idees om jou te help om jou Camino voor te berei.

Stap Handleiding
U ontvang 'n 'Stap Handleiding' voordat u vertrek om u op 'n daaglikse basis te lei.

Ons doen die Papierwerk
Ons reël jou Camino Paspoort en registrasies (jy benodig dit vir jou Schengen Visum).

Vervoer Bagasie
Ons vervoer daagliks u bagasie, sodat u net met 'n ligte rugsak stap.